1 րոպեի ընթերցում
ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Այս շաբաթ Լոնդոնում գործնականում ավարտված տարբերակով առաջին անգամ ցուցադրվում Է Bloodhound («Խուզարկու») նոր գերձայնային ավտոմոբիլը, հաղորդում Է «Արմենպրես»-ը՝ հղում անելով BBC-ին:
Այն ցուցադրվում Է Մեծ Բրիտանիայի մայրաքաղաքի Քեների Ուորֆ գործարար շրջանի East Wintergarten կոնֆերենց-համալիրում: Հանդիսավոր շնորհանդեսը տեղի կունենա սեպտեմբերի 25-ին:
Ինչպես սպասվում Է, Bloodhound-ը պետք Է գերազանցի արագության 1228 կմ/ժ ներկայիս ռեկորդը, որը սահմանվել Է 1997 թվականի հոկտեմբերի 15-ին: Thrust SSC-ը դարձել Է առաջին ավտոմոբիլը, որը պաշտոնապես հաղթահարել Է ձայնային արգելքը: SSC հապավումը, որը հավելում են Bloodhound-ի անվանմանը, բուն իմաստով նշանակում Է "supersonic car" - գերձայնային ավտոմոբիլ:
Նոր ավտոմոբիլը փորձարկումները կսկսի 2016 թվականին Հարավաֆրիկյան Հանրապետությունում՝ հատուկ կառուցված բոլորուղում: Սկզբնական նպատակը 1287 կմ/ժ արագություն զարգացնել Է, սակայն մինչեւ 2017 թվականը կոնստրուկտորները մտադիր են գերազանցել ժամում հազար մղոն (գրեթե 1610 կմ/ժ) շեմը: Ինչպես սպասվում Է, ժամում մինչեւ հազար մղոն թափառքի համար բոլիդին կպահանջվի 55 վայրկյան, հաղորդել Է «Ինտերֆաքս»-ը: