Կալիֆորնիայի Սենատի նախագահը միացել է հայկական օրենսդրական հանձնախմբին
1 րոպեի ընթերցում
![Կալիֆորնիայի Սենատի նախագահը միացել է հայկական օրենսդրական հանձնախմբին](http://armenpress.am/resized/480/static/news/b/2015/09/819297.jpg)
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Կալիֆորնիայի Սենատի նախագահ Քևին Դե Լեոնը դարձել է առաջին սենատորը, ով միացել է Հայկական օրենսդրական հանձնախմբին: Ինչպես հաղորդում է«Արմենպրես»-ը, այս մասին հայտնել է «Ասպարեզ» պարբերականը:
Սենատորն ընդգծել է, որ իր համար մեծ պատիվ է ծառայել հազարավոր ամերիկահայերի, որոնք բնակվում են իր շրջանում (Լոս Անջելես)` հավելելով, որ միայն հաճույք է լինել հայկական հանձնախմբի անդամ, որտեղ իրեն զգում է ինչպես տանը:
Դե Լեոնն ընդգծել է, իր մասնակցությունը հանձնախմբում, որը մինչ այդ կազմված էր Կալիֆորնիայի ասամբլեայի ներկայացուցիչներից, կօգնի իրեն վերհանել գլխավոր հարցերը և բարելավել Կալիֆորնիայի հայ համայնքի պայմանները: Նա նկատել է, որ սա է հիմնական պատճառը, որ ինքը ոգևորված է հանձնախմբին միանալու համար, քանի որ այդպիսով արժեքավոր գործ անելուպաշտոնական հարթակ է ստեղծվում: