1 րոպեի ընթերցում
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Փարիզի «Ֆոլի Բերժեր» համերգասրահում հոկտեբերի 12-ին կկայանա Հայոց ցեղասպանության եւ Հոլոքոստի զոհերին նվիրված համերգը, որը կկրի «Դու իմ եղբայրն ես» խորագիրը: Ինչպես հաղորդում է «Արմենպրես»-ը` վկայակոչելով«Նուվել դը Արմենի»-ն, համերգին ելույթ կունենան Միշել Լեգրանը, Անդրե Մանուկյանը, Սոնիա Բելոլոն եւ այլոք: Համերգին ներկա կգտնվի, Շառլ Ազնավուրը, Ֆրանսիայի հայկական եւ հրեական համայնքների ներկայացուցիչներ, Ֆրանսիայում Հայատանի եւ Իսրայելի դեսպանները, ֆրանսիացի մտավորականներ, քաղաքական գործիչներ: