1 րոպեի ընթերցում
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Հայազգի գիտնական Վոն Թուրեկյանը նշանակվել է ԱՄՆ պետքարտուղարի գիտության եւ տեխնոլոգիաների գծով խորհրդական: Ինչպես հաղորդում է «Արմենպրես»-ը` վկայակոչելով Asbarez-ը, հայազգի գիտնականը կզբաղվի շրջակա միջավայրի, գիտության, տեխնոլոգիաների եւ առողջապահության ոլորտներով, որոնք ազդում են ԱՄՆ-ի արտաքին քաղաքականության վրա:
«Պարոն Թուրեկյանը կնպաստի գիտության, տեխնոլոգիաների քաղաքականության զարգացմանը, որոնք ամերիկյան դիվանագիտության անքակտելի մասն են»,- ասված է ԱՄՆ պետքարտուղարության հաղորդագրությունում:
Մինչ այս պաշտոնում նշանակվելը Վոն Թուրեկյանը եղել է Գիտության զարգացման ամերիկյան ասոցիացիայի (AAAS) միջազգային գծով տնօրենը:
Գիտնականը Հայոց ցեղասպանությունը վերապրածի թոռ է: Նրա հայրը Յեյլի համալսարանի անվանի քիմիկոս Կառլ Թուրեկյանն է: 2000թ. Վոն Թուրեկյանը դասախոսել է Հայաստանի Ամերիկյան համալսարանում: