Հայոց ցեղասպանությունը պետք է ոչ միայն ճանաչվի, այլև դրա ժխտումը պետք է քրեորեն պատժվի. Դանիել Ֆիերշտեյն

ԲՈՒԵՆՈՍ ԱՅՐԵՍ, 24 ՕԳՈՍՏՈՍԻ, ԱՐՄԵՆՊՐԵՍ: Բուենոս Այրեսում Հայոց ցեղասպանության 100-րդ տարելիցին նվիրված միջազգային գիտաժողովի վերջին օրը ելույթ են ունեցել հայտնի ցեղասպանագետներ: Ինչպես հաղորդում է «Արմենպրես»-ը` վկայակոչելով PrensaArmenia.com.ar-ը, գիտաժողովին ելույթ է ունեցել Ցեղասպանագետների միջազգային ասոցիացիայի նախկին նախագահ, ցեղասպանագետ Դանիել Ֆիերշտեյնը, ով կարեւորել է ցեղասպանությունների ուսումնասիրումը դրանք հետագայում կանխարգելելու համար:

«Այս առնչությամբ շատ կարեւոր է օրենսդրական դաշտի առկայությունը: Պետք է ոչ միայն ճանաչվեն ցեղասպանությունները այլեւ դրանց ժխտումը քրեորեն պատժվի»,- ասաց նա` հավելելով, որ ցեղասպանագետները լուրջ աշխատանք ունեն

Օգոստոսի 20-ից 23-ը Բուենոս Այրեսի համալսարանի իրավագիտության ֆակուլտետում տեղի է ունեցել Հայոց ցեղասպանության 100-րդ տարելիցին նվիրված միջազգային գիտաժողով, որի ընթացքում մասնակիցները խոսել են Հայոց ցեղասպանության միջազգային ճանաչման անհրաժեշտության մասին, բարձրացրել ցեղասպանության հետևանքների վերացման և ցեղասպանության ժխտումը քրեականացնող օրենքներրի անհրաժեշտության հարցը: