Արարատի մարզի գազալցակայաններից մեկում պայթյուն է տեղի ունեցել

ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: ՀՀ տարածքային կառավարման եւ արտակարգ իրավիճակների նախարարությունում օգոստոսի 24-ին` ժամը 09.55-ին,տեղեկատվություն է ստացվել, որ Արարատի մարզի Դիմիտրով գյուղի մոտակայքում՝ գազալցակայանում, տեղի է ունեցել պայթյուն: Ինչպես «Արմենպրես»-ին տեղեկացրին ՀՀ տարածքային կառավարման եւ արտակարգ իրավիճակների նախարարությունից, դեպքի վայր է մեկնել ՄՓՎ-ի օպերատիվ խումբը:

Դեռևս չբացահայտված հանգամանքներում Դ. Դ.-ի «Հովան Լիան Գրուպ» ՍՊԸ գազալցակայանում տեղի է ունեցել պայթյուն՝ առանց հրդեհի բռնկման, ինչի հետևանքով ամբողջությամբ վնասվել է Հ. Հ.-ի (ծնված 1986թ.) «Օպել վեկտրա Ա» մակնիշի 34 TZ 779պետհամարանիշովավտոմեքենայի բեռնախցիկը և հետնամասը. զոհեր և տուժածներ չկան: