Էդգար Ստեփանյանը` հեծանվավազքի Եվրոպայի երիատասարդական առաջնության չեմպիոն
1 րոպեի ընթերցում
![Էդգար Ստեփանյանը` հեծանվավազքի Եվրոպայի երիատասարդական առաջնության չեմպիոն](http://armenpress.am/resized/480/static/news/b/2015/07/812564.jpg)
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Հունաստանի մայրաքաղաք Աթենքում ավարտվեց հրապարակային հեծանվավազքի Եվրոպայի երիատասարդական առաջնությունը «Սկրատչ» մրցաձեւում (40 կմ խմբակային մրցավազք), որտեղ Հայաստանի ներկայացուցիչը դարձավ Եվրոպայի չեմպիոն:
Ինչպես «Արմենպրես»-ին տեղեկացրին Հայաստանի հեծանվային ֆեդերացիայից, հայաստանցի 2 հեծանվորդներն էլ՝ Էդգար Ստեփանյանն ու Պավել Ստեփանյանը հաջողությամբ հաղթահարել էին որակավորման փուլը ու դուրս եկել եզրափակիչ: Այս փուլում փայլուն հաջողության հասավ 18-ամյա Էդգարը. հայ հեծանվորդը գերազանցեց բոլորին ու նվաճեց Եվրոպայի չեմպիոնի կոչումը:
Հայկական հեծանվային մարզաձեւի պատմության ընթացքում սա առաջին ոսկե մեդալն է Եվրոպայի առաջնություններում: Ի պատիվ Էդգար Ստեփանյանի՝ Աթենքի հեծանվահրապարակում հնչեց Հայաստանի հիմնն ու բարձացավ մեր երկրի դրոշը: Պավել Ստեփանյանը զբաղեցրեց 10-րդ տեղը: