368.54
ԼՂՀ ԱԺ նախագահ Աշոտ Ղուլյանը հանդիպել է Ամերիկայի հայկական համագումարի ներկայացուցիչների հետ
1 րոպեի ընթերցում
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ:ԼՂՀ Ազգային ժողովի նախագահ Աշոտ Ղուլյանը հուլիսի 12-ին ընդունել է Ամերիկայի հայկական համագումարի (ԱՀՀ) հոգաբարձուների խորհրդի համանախագահ Վան Գրիգորյանին և նույն կազմակերպության տարածաշրջանային տնօրեն Արփի Վարդանյանին: Այս մասին«Արմենպրես»-ին տեղեկացրին ԼՂՀ ԱԺ լրատվական ծառայությունից:
Հանդիպման ընթացքում կողմերը քննարկել են Միացյալ նահանգների հայկական կազմակերպությունների գործունեության հիմնական ուղղությունները և այդ համատեքստում Ամերիկայի հայկական համագումարի և Արցախի խորհրդարանի փոխգործակցության թեմաները:
Ազգային ժողովի նախագահը գոհունակություն է հայտնել ԱՀՀ հետ նախորդ տարիների համագործակցության արդյունքներից և վստահեցրել` այն շարունակելու պատրաստակամության մասին:
Տեղի է ունեցել մտքերի փոխանակություն տարածաշրջանային անվտանգության և ղարաբաղյան հիմնախնդրի կարգավորման, Արցախի հանրային-տնտեսական կյանքի աշխուժացման հարցերի շուրջ, և նախանշվել են հետագա անելիքները:
Բաժանորդագրվեք մեր ալիքին Telegram-ում