368.54
Փարիզում մեկնարկել է ՄԻԵԴ-ում ՀՀ դատավորի ընտրությունը
2 րոպեի ընթերցում
ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: Փարիզում մեկնարկել է Մարդու իրավունքների եվրոպական դատարանում(ՄԻԵԴ) Հայաստանի դատավորի ընտրությունը, որին մասնակցում է Եվրոպայի խորհրդի խորհրդարանական վեհաժողովում (ԵԽԽՎ) Հայաստանի Ազգային ժողովի պատվիրակության անդամ, դատավորների ընտրության հանձնաժողովի անդամ Արփինե Հովհաննիսյանը։ Ինչպես «Արմենպրես»-ին տեղեկացրեց պատգամավորը, հանձնաժողովի նիստն ընթանում է գաղտնի և արդյունքների մասին տվյալներ չի կարող հաղորդել:
ՄԻԵԴ-ի դատավորի պաշտոնում ՀՀ կողմից առաջադրվող թեկնածուների ընտրության գործընթացը կազմակերպվել և անցկացվել է հրապարակայնության ու արդարության միջազգային չափանիշներին համապատասխան:ՄԻԵԴ-ում Հայաստանի դատավորի թեկնածուներն են նախկին օմբուդսմեն Արմեն Հարությունյանը, միջազգային իրավունքի մասնագետ Արա Ղազարյանը և Վարչական դատարանի դատավոր Լիանա Հակոբյանը։ Նրանց հետ փակ-գաղտնի հարցազրույց կվարվի, քվեարկությամբ հանձնաժողովը թեկնածուներից որևէ մեկին կերաշխավորի` ներկայացնելու Եվրոպայի խորհրդի խորհրդարանական վեհաժողովին, որի՝ հավանաբար ամառային նստաշրջանի ընթացքում քվեարկությամբ կընտրվի դատավորը:
Մարդու իրավունքների եվրոպական դատարանի դատավորների ընտրության` նոր ձևավորված հանձնաժողովի հիմնական անդամի պաշտոնն ստանձնել է այս տարվա հունվարից:
Բաժանորդագրվեք մեր ալիքին Telegram-ում