Հայազգի շախմատիստը` Գերմանիայի պատանիների չեմպիոն

ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Ազգությամբ հայ շախմատիստ Սպարտակ Գրիգորյանը դարձել է Գերմանիայի պատանիների չեմպիոն:

Սպարտակ Գրիգորյանը Վիլինգենում անցկացված Գերմանիայի մինչև 18 տարեկան պատանիների առաջնությունում 9 հնարավորից վաստակեց 6,5 միավոր եւ նվաճեց երկրի չեմպիոնի տիտղոսը:

«Արմենպրես»-ի հաղորդմամբ, այս մասին տեղեկացնում է Հայաստանի շախմատի ֆեդերացիան:

Սպարտակ Գրիգորյանը ներկայացնում է շախմատի Գերմանիայի ֆեդերացիան և ծնվել է հենց Գերմանիայում` 1998 թվականին: