5 րոպեի ընթերցում
ԱՆՈՆՍ
23 ապրիլ, 2015
|
Ժամը |
Վայրը |
Միջոցառումներ |
|
10:00-ին |
Մայր Տաճարում |
Կմատուցվի Սբ Պատարագ: Նույն օրը` ժամը 17:15-ին, Մայր Աթոռ Սբ Էջմիածնում` Սբ Տրդատի բաց խորանին, տեղի կունենա Հայոց Ցեղասպանության նահատակների սրբադասման արարողությունը: (Արարողությանը մասնակցել ցանկացողների համար նախատեսված ավտոբուսները կշարժվեն «Հրազդան» մարզադաշտի հարևանությամբ գտնվող Երևանի Բրազիլիայի հրապարակից` ժամը 14:00-ից սկսյալ): |
|
12:00-ին |
«Արմենպրես»-ի մամուլի սրահում /Սարյան 22/ |
Ռուսաստանի հայտնի գործարար եւ մեկենաս Գերման Ստերլիգովը հանդես կգա ԵՊՀ-ին Հայոց ցեղասպանության վերաբերյալ փաստաթղթեր նվիրելու թեմայով մամուլի ասուլիսով: Ասուլիսին կնախորդի ԵՊՀ գիտխորհրդի սենյակում թեմային վերաբերող փաստաթղթերի հանձնումը: |
|
10:00-ին |
ԵՊՀ կենտրոնական մասնաշենքի գիտխորհրդի սենյակում /5-րդ հարկ/ |
Ռուսաստանի հայտնի գործարար եւ մեկենաս Գերման Ստերլիգովը Հայոց ցեղասպանությանը վերաբերող փաստաթղթեր կհանձնի ԵՊՀ-ին: Այնուհետեւ՝ ժամը 12:00-ին «Արմենպրես»-ի մամուլի սրահում հանդես կգա թեմային վերաբերող մամուլի ասուլիսով: |
|
12:00-ին |
«Նոյան Տապան» մամուլի ակումբում |
Տեղի կունենա Իրան-Հայաստան բարեկամության միության եւ «Հայ դպրոց» հիմնադրամի նախագահ, Հայ-իրանական Առեւտրի պալատի նախագահ, բարերար Լեւոն Ահարոնյանի ասուլիսը:Թեմա` «Իրանի հայ համայնքը և Ցեղասպանության 100-ամյա տարելիցը»։ |
|
11:00-ին |
Մեդիա կենտրոնում (հասցե` Սարյան 30, 2-րդ հարկ) |
Տեղի կունենա մամուլի ասուլիս՝ «Ցեղասպանության հետևանքներն ու Թուրքիայի պարտավորությունները՝ հայ և թուրք իրավապաշտպանների տեսանկյունից» թեմայով: Ասուլիսի բանախոսներն են՝ Յուսուֆ Ալաթաշը (Մարդու իրավունքների միջազգային ֆեդերացիայի /FIDH/ նախագահի տեղակալ և Թուքիայիում գործող Human Rights Association–ի գործադիր խորհրդի անդամ) և Արտակ Կիրակոսյանը (Քաղաքացիական հասարակության ինստիտուտի նախագահ և Մարդու իրավունքների միջազգային ֆեդերացիայի /FIDH/ գլխավոր քարտուղարի տեղակալ): |
|
12:00-ին |
Մեդիա կենտրոնում (հասցե` Սարյան 30, 2-րդ հարկ) |
Տեղի կունենա քննարկում՝ «Հայաստան-Թուրքիա հարաբերությունների կարգավորման խոչընդոտներն ու անհրաժեշտ զարգացումները՝ 100-րդ տարելիցին հաջորդող ժամանակաշրջանում» թեմայով: Քննարկմանը կմասնակցեն Թուրքիայից ժամանած հայտնի փորձագետ, քաղաքագիտության դասախոս, «Հրանտ Դինք» հիմնադրամի տնօրենների խորհրդի անդամ, «Թարաֆ» օրաթերթի սյունակագիր Չենգիզ Աքթարը, Գլոբալիզացիայի եւ տարածաշրջանային համագործակցության վերլուծական կենտրոնի խորհրդի նախագահ, քաղաքագետ Ստեփան Գրիգորյանը և Կովկասի ինստիտուտի տնօրեն, քաղաքագետ Ալեքսանդր Իսկանդարյանը: |
|
10:00-ին |
Կոմիտասի անվան կամերային երաժշտության տանը |
Տեղի կունենա «24/04» համաշխարհային նվագախմբի վերջին փորձն՝ ապրիլի 24-ի «Վերածնունդ» խորագրով համերգից առաջ։ Հիշեցնենք, որ «24/04» նվագախումբը կազմված է աշխարհի 43 երկրի ավելի քան 120 երաժշտից։ Համերգը կղեկավարեն դիրիժորներ Սերգեյ Սմբատյանը, Հովհաննես Չեքիջյանը, Ջանլուկա Մարչիանոն, Միխայիլ Յուրովսկին։ Փորձից առաջ լրագրողները կարող են հարցազրույցներ վերցնել երաժիշտներից, մենակատարներից, դիրիժորներից և լուսաբանել աննախադեպ ձևաչափով նվագախմբի փորձն ու առաջիկա համերգի նախապատրաստական աշխատանքները։ |
|
13:30-ին |
Երևանի Մարզահամերգային համալիրում |
Հայոց ցեղասպանության 100-ամյա տարելիցին նվիրված միջոցառումների շրջանակներում «Հայփոստը» պաշտոնապես կմարի և շրջանառության մեջ կդնի «Հայոց ցեղասպանության հարյուրամյա տարելից. Անատոլ Ֆրանս» թեմայով նամականիշը: |
|
15:00-ին |
Հայաստանի պատմության թանգարանում /Արամի 1/ |
Տեղի կունենա «Կոչեմ ապրողաց» խորագրով ցուցահանդես, որում ներկայացված են Ցեղասպանության ականատեսների վկայություններ` բնօրինակ լուսանկարներով, ինչպես նաև քանդված, հիմնահատակ ավերված հայկական հուշարձանների եզակի լուսանկարներ: |
|
16:00-ին |
«Լոֆթ» ժամանցի կենտրոնում |
Տեղի կունենա Բեռնար Վերբերի«Պատմվածքների ժողովածու» գրքի շնորհանդեսը: |