Սերգեյ Սմբատյանը կղեկավարի Վարշավայի ֆիլհարմոնիկ նվագախումբը

ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը Լյուդվիգ վան Բեթհովենի անվան Զատկի փառատոնի շրջանակներում կղեկավարի Վարշավայի ֆիլհարմոնիկ նվագախումբը։

Ինչպես «Արմենպրես»-ին տեղեկացրին Հայաստանի պետական երիտասարդական նվագախմբի հասարակայնության հետ կապերի բաժնից, համերգը տեղի կունենա մարտի 29-ին:

Որպես մենակատար հանդես կգա Լետիցիա Մորենոն (ջութակ)։

Ծրագրում կհնչեն Ղազարոս Սարյանի Պասակալիա սիմֆոնիկ նվագախմբի համար, Դմիտրի Շոստակովիչի Ջութակի կոնցերտ թիվ 1, Լյուդվիգ վան Բեթհովենի Սիմֆոնիա թիվ 7 ստեղծագործությունները: