1 րոպեի ընթերցում
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Տարածքային կառավարման եւ արտակարգ իրավիճակների նախարար Արմեն Երիցյանը հայ-ադրբեջանական սահմանին լարվածության ուժգնացման առնչությամբ մեկնել է Տավուշի մարզ: «Արմենպրես»-ի հետ զրույցում ՏԿԱԻ փրկարար ծառայության տնօրենի տեղակալՆիկոլայ Գրիգորյանն ասաց, որ նախարարը կլինի մարզի Չինարի եւ Մովսես գյուղերում, որտեղ գրեթե ամեն օր կրակոցներ են: Միաժամանակ, ըստ Գրիգորյանի, այցով Տավուշի մարզում է նաեւ ՀՀ ՊՆ Սեյրան Օհանյանը:
Հայ-ադրբեջանական սահմանին շուրջ մեկ ամիս է լարված իրավիճակ է: Ադրբեջանական զինուժը տարբեր ուղղություններով դիվերսիաներ է իրականացնում: Շատացել են հրադադարի խախտման դեպքերը: Հունվարի 23-ի առավոտյան եւս դիվերսիոն փորձի հետմղման ժամանակ զոհվել է երկու զինծառայող, կան վիրավորներ: