Հանցագործը մեր երկրի քաղաքացու դեմ է դուրս եկել, նշանակում է` դուրս է եկել նաեւ անձամբ իմ դեմ. Գեւորգ Կոստանյան

ԳՅՈՒՄՐԻ, 15 ՀՈՒՆՎԱՐԻ, ԱՐՄԵՆՊՐԵՍ: ՀՀ գլխավոր դատախազ Գեւորգ Կոստանյանը Գյումրիում է. մարզի դատախազության շենքի առջեւ պատասխանում է հավաքի մասնակիցների հարցերին: Կոստանյանը նշեց, որ հունվարի 15-ի ժամը 12:00-ից Հայաստանի քննչական խումբը ռուսական 102-րդ ռազմաբազայում է եւ կատարում է հունվարի 12-ին Գյումրիում կատարված սպանության գործով անհրաժեշտ քննչական գործողությունները: Հայ քննիչները հարցաքննում են ոճրի հիմնական կասկածյալ Վալերի Պերմյակովին:

Գլխավոր դատախազին գյումրեցիները հարցեր են ուղղում գործի քննության իրավազորության վերաբերյալ: Նրանք կրկին բարձրաձայնում են պահանջը, ըստ որի` պետք է ոճրագործը հանձնվի հայկական կողմին: Գեւորգ Կոստանյանը նշեց, որ հանձնման հարց քննարկվում է, եթե անձը գտնվում է Հայաստանի Հանրապետության փաստացի սահմաններից դուրս, սակայն այժմ ձերբակալված անձը Հայաստանի սահմաններից ներս է, այդ է պատճառը, որ հանձնման հարց չի դրվում:

«Այն, որ ոճրագործություն է տեղի ունեցել հայ ժողովրդի նկատմամբ, դա պարզ է: Ամեն ինչ անելու ենք, որ ոճրագործը ենթարկվի ամենախիստ պատասխանատվության, դա էլ փաստ է: Այն, որ Հայաստանի Հանրապետության տարածքում է ենթարկվելու պատասխանատվության, դա էլ է փաստ: Երկու գործ է հարուցված` մեկը Հայաստանի, մյուսը` Ռուսաստանի օրենսդրությամբ:Քրգործը պետք է ամբողջությամբ քննության առնվի մեզ մոտ, դա էլ արդարացի պահանջ է: Այդ ամենը գործընթաց է, քննիչներն աշխատում են: Հանցագործը մեր երկրի քաղաքացու դեմ է դուրս եկել, դա նշանակում է` դուրս է եկել նաեւ անձամբ իմ դեմ, ամեն ինչ անելու եմ որպես հայ, որ այդ սրիկան անպայման ամենախիստ պատասխանատվության ենթարկվի: Բայց այս ամենին հասնելու ճանապարհ կա»,-«Արմենպրես»-ի հաղորդմամբ` հայտարարեց Կոստանյանը:

Գլխավոր դատախազը կրկին հայտարարեց, որ սպանության շրջանակում հարուցված քրգործի քրեադատավարական ողջ գործընթացն անցնելու է Հայաստանի Հանրապետության տարածքում:

Ավետիսյանների ընտանիքի 6 անդամների սպանությունը տեղի է ունեցել 2015 թվականի հունվարի 12-ին՝ վաղ առավոտյան, ժամը 06:00-ի սահմաններում, իսկ նրանց մահը վրա էհասել հրազենային վնասվածքներից։ Ավետիսյանների ընտանիքից ողջ է մնացել 6 ամսական փոքրիկը՝ Սերյոժա Արմենի Ավետիսյանը, ով կտրող-ծակող գործիքից ստացած վնասվածքներովտեղափոխվել է բժշկական կենտրոն: Նշանակվել են դատաբժշկական, դատատոքսիկոքիմիական, դատաձգաբանական փորձաքննություններ: Կասկածյալին ռուս սահմանապահները հայտնաբերել են հայ-թուրքական սահմանը հատելու փորձ կատարելիս եւ հանձնել 102-րդ ռուսական բազայի հրամանատարությանը: Նկատիունենալով, որ նախաքննությամբ ձեռք բերված ապացույցները բավարար հիմք են տալիս առ այն, որ հանցագործությունը կատարել է ՌԴ 102-րդ ռազմաբազայի թիվ N զորամասիզինծառայող Վալերի Պերմյակովը, ուստի՝ 2015թ. հունվարի 14-ին որոշում է կայացվել՝ վերջինիս ՀՀ քրեական օրենսգրքի 104-րդ հոդվածի 2-րդ մասի 1-ին կետով որպես մեղադրյալներգրավելու մասին: