«Եվրոպական ազատ դաշինքը» դատապարտել է Ադրբեջանի կողմից ուղղաթիռի խոցման փաստը

1 րոպեի ընթերցում

ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: «Եվրոպական ազատ դաշինք» կուսակցության նախագահ Ֆրանսուա Ալֆոնսին աջակցություն է հայտնել Արցախի ժողովրդին` դատապարտելով Ադրբեջանի կողմից ուսումնավարժական թռիչքի ժամանակ ԼՂՀ ռազմօդուժի անզեն ուղղաթիռի խոցման փաստը: Նա ընդգծել է, որ այդ փաստն իր համար հիմնովին անընդունելի է: «Մեր մտքերն անձնակազմի զոհված անդամների ընտանիքների ու ընկերների հետ են: Մենք դատապարտում ենք Ադրբեջանի իշխանությունների նման ագրեսիվ գործողությունը»,-«Արմենպրես»-ի հաղորդմամբ` ասել է Ֆրանսուա Ալֆոնսին:

Նա գործելու ու խնդիրը մանրամասնորեն վերլուծելու կոչ է արել եվրոպական կառույցներին` այդ սարսափելի միջադեպի քաղաքական պատասխանատուներին հստակեցնելու համար: Ալֆոնսին անթույլատրելի է համարել փաստը, որ Ադրբեջանի ղեկավարությունը պարգեւատրել է ուղղաթիռի խոցման հրամանը կատարած սպային: «Մենք կարծում ենք, որ կարեւոր է Ադրբեջանի կողմից Լեռնային Ղարաբաղի նկատմամբ վերաբերմունքի եւ ռազմավարության փոփոխությունը»,-նշել է նա:

«Եվրոպական ազատ դաշինքը» կշարունակի տարածաշրջանի իրավիճակի մշտադիտարկումը եւ կմնա երկարատեւ խաղաղության կառուցման համար անհրաժեշտ վստահության երաշխիքների ստեղծման ջատագով:

Հայերեն English Русский

Խափանվել է ԱՄՆ Ազգային անվտանգության գործակալության գաղտնի կապի համակարգը․ լրատվամիջոց

Կայացել է «Հարավկովկասյան երկաթուղու» կառավարման արդյունավետության հետ կապված խնդիրները քննարկելու նպատակով ստեղծված աշխատանքային խմբի առաջին հանդիպումը

ԱՄՆ-ում դադարեցրել են երթուղիչների տեղադրումը՝ օդային հաղորդակցության համակարգում խափանումից հետո․ լրատվամիջոց

«Ֆոտոլուր»-ը հաղթել է հեղինակային իրավունքի խախտման առնչությամբ դատական գործում

Միացյալ Նահանգները նախատեսում է մինչև դեկտեմբեր որոշում կայացնել Եվրոպայում իր զորքերի ներկայության վերաբերյալ

Եմենում առնվազն 9 մարդ է զոհվել արաբական դաշինքի հասցրած հարվածներից

Միրզոյանն ամփոփել է Բրյուսել աշխատանքային այցը

Ազգային ժողովի Հայաստան-Ֆինլանդիա, Նորվեգիա բարեկամական խմբի անդամները հանդիպել են ՀՀ-ում Ֆինլանդիայի դեսպանին

Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ

Ուժեղ պայթյուն է որոտացել իրանական Քեշմ կղզու մոտակայքում