Բակո Սահակյանը Սերգո Կարապետյանի հետ քննարկել է գյուղատնտեսության ոլորտում փոխգործակցության հարցեր
1 րոպեի ընթերցում
![Բակո Սահակյանը Սերգո Կարապետյանի հետ քննարկել է գյուղատնտեսության ոլորտում փոխգործակցության հարցեր](http://armenpress.am/resized/480/static/news/b/2014/11/782998.jpg)
ՍՏԵՓԱՆԱԿԵՐՏ, 6 ՆՈՅԵՄԲԵՐԻ, ԱՐՄԵՆՊՐԵՍ:Արցախի Հանրապետության Նախագահ Բակո Սահակյանը նոյեմբերի 6-ին ընդունել է Հայաստանի Հանրապետության գյուղատնտեսության նախարար Սերգո Կարապետյանին եւ նրա առաջին տեղակալ Գրիշա Բաղիյանին:
Հանդիպմանը, որին մասնակցում էր ԼՂՀ գյուղատնտեսության նախարար Անդրանիկ Խաչատրյանը, քննարկվել են գյուղատնտեսության ոլորտում հայկական երկու պետությունների փոխգործակցությանը վերաբերող մի շարք հարցեր:
Երկրի ղեկավարը ԼՂՀ գյուղատնտեսությանը ցուցաբերած գործնական աջակցության համար Սերգո Կարապետյանին պարգեւատրել է «Երախտագիտություն» մեդալով` գոհունակությամբ նշելով Հայաստանի եւ Արցախի գյուղատնտեսության նախարարարությունների միջեւ համագործակցության բարձր մակարդակը եւ այս գործում նախարարի անձնական ներդրումը: