ՌԴ իրավապահների կողմից հետախուզվողը հայտնաբերվել է Բավրայի սահմանային անցակետում

ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Ոստիկանության Աշոցքի բաժնի և ՀՀ ԱԱԾ սահմանային վերահսկողության բաժնի ծառայողներն օգոստոսի 26-ի երեկոյան Բավրայի սահմանային անցակետից բերման են ենթարկել 1988թ. ծնված Անդրանիկ Հ.-ին: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, Անդրանիկ Հ.-ն հուլիսի 1-ից ՌԴ Նիժեգորոդի մարզի իրավապահների կողմից հետախուզվում էր գողության մեղադրանքով: