ՀՀ ԱԳՆ-ն դատապարտում է վերջին օրերին Հալեպ քաղաքի, հայաբնակ Նոր Գյուղ թաղամասի ռմբակոծությունները
1 րոպեի ընթերցում
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: ՀՀԱԳՆ մամլո խոսնակ Տիգրան Բալայանը մեկնաբանել է վերջին օրերին Հալեպում ստեղծված իրավիճակը:
«Արմենպրես»-ի հաղորդմամբ` Տիգրան Բալայանը հայտարարել է. «Խստորեն դատապարտում ենք վերջին օրերին Հալեպ քաղաքի, հայաբնակ Նոր Գյուղ թաղամասի ռմբակոծությունները, որոնք մարդկային զոհերի և ավերածությունների պատճառ են դարձել։
Համոզված ենք, որ սիրիական ճգնաժամի հանգուցալուծման առաջընթացի գլխավոր նախապայմանը բռնությունների անհապապաղ դադարեցումն է»։