Գերմանական NDR հեռուստաալիքը ֆիլմ է նկարահանում Արթուր Աբրահամի մասին

ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Գերմանական NDR հեռուստաալիքը փաստագրական ֆիլմէ նկարահանում Արթուր Աբրահամի մասին:

Փաստագրական ֆիլմաշարեր ստեղծող խումբը օրերս Հայաստանում նկարահանում էր հայ պրոֆեսիոնալ բռնցքամարտիկ Արթուր Աբրահամին: NDR հեռուստաալիքի նկարահանող խումբն եղել է Արթուր Աբրահամի ծննդավայր Ներքին Չարբախում: Նկարահանումներին մասնակցել է նաև Աբրահամի տատիկը` տիկին Ռոզան: Նկարահանոմներ են կատարվել նաև Ներքին Չարբախի Սուրբ Խաչ եկեղեցում:

Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը մայիսի 3-ին Բեռլինում կայացած մենամարտում մրցավարների միաձայն որոշմամբ հաղթեց Չեռնոգորիան ներկայացնող Նիկոլա Սյեկլոցային՝ 116:113, 116:112, 119:110 և պահպանեց աշխարհի չեմպիոնի գոտին: