2 րոպեի ընթերցում
ԲԵՐԴ, 5 ԱՊՐԻԼԻ, ԱՐՄԵՆՊՐԵՍ: ՀՀՆախագահ Սերժ Սարգսյանի Տավուշի մարզ աշխատանքային այցելության առաջին կանգառը Բերդի թիվ 2 մանկամպարտեզն էր: Նախադպրոցական այդ հաստատությունում երկրի ղեկավարը շրջայց կատարեց և ծանոթացավ վերանորոգման աշխատանքներին ու ստեղծված պայմաններին:
«Արմենպրես»-ի փոխանցմամբ` Բերդի թիվ 2 մանկապարտեզի տնօրեն Շուշան Գալստյանը լրագրողների հետ զրույցում ներկայացրեց մանկապարտեզի առօյան` հավելելով, որ տարիներ շարունակ կառույցը չի ջեռուցվել, և սենյակները տաքացվել են փայտով; «Անձնակազմն ստիպված էր առավոտյան ժամը 6-ից գալ մանկապարտեզ, վառել փայտի վառարանները, որպեսզի մինչև ժամը 8-ը երեխաների համարկարողանայինք ապահովել նորմալ ջերմաստիճան: Վերանորոգման աշխատանքներից հետո թե' ջեռուցման համակարգն է փոխվել, թե' գույքն է նորացվել, ինչն ստեղծում է աշխատանքի անհամեմատ ավելի լավ պայմաններ»,- ասաց Շուշան Գալստյանը:
Բերդի թիվ 2 մանկապարտեզը կառուցվել է 1984 թվականին: Թեեւ այն նախատեսված է 160 երեխայի համար, սակայն այսօր մանկապարտեզ է հաճախում 220 երեխա: 2012 թվականին վերանորոգվել է մանակապարտեզի տանիքը, իսկ հաջորդ տարի վերանորոգման համար ՀՀպետբյուջեից հատկացվել է 41 մլն դրամ: Աշխատանքներն ավարտվել են 2013թ. տարեվերջին` Հայաստանի Սոցիալական հիմնադրամի տրամադրած 119,4 մլն դրամով, որից համայնքի ներդրումը 11,9 մլն դրամ է: Ներկա դրությամբ` մանկապարտեզի ևս երկու մասնաշենք հարդարման կարիք ունի: