Մոսկվայի մարզում ոսկերչական խանութներ կողոպտող «հայաստանցի» հանցագործների են բռնել

ԵՐԵՎԱՆ, 12 ՄԱՐՏՐԻ, ԱՐՄԵՆՊՐԵՍ: Քրեական հետախուզության օպերատիվ աշխատողները Մոսկվայի մարզում բռնել են ութ ոսկերչական խանութներ կողոպտած հանցագործների: Ինչպես ԻՏԱՌ-ՏԱՍՍ-ին հայտնել են ՌԴ-ի ներքին գործերի նախարարության Մոսկվայի մարզի գլխավոր վարչության մամուլի ծառայությունում, հանցագործների կողմից հափշտակված կանխիկ դրամի եւ զարդերի գումարը կազմում Է ավելի քան 30 միլիոն ռուբլի, տեղեկացնում Է «Արմենպրես»-ը:

«Օպերատիվ միջոցառումների ընթացքում ոստիկանության աշխատակիցները ձերբակալել են հանցագործների, որոնք Հայաստանից եկածներ են: Խուզարկությունների ընթացքում նրանցից առգրավվել են 163 ոսկերչական իր, գերմանական արտադրության զենք, օպտիկական նշանոցներով երկու հրացան եւ դրանց 180 փամփուշտ, երեք տրավմատիկ ատրճանակ, աչքերի համար կտրվածքներով գլխարկներ, 43 ձեռքի հեռախոս եւ 30 սիմ-քարտ»,- ասել են մամուլի ծառայությունում:

Ինչպես նշել են գլխավոր վարչությունում, չարագործները գիշերով ներթափանցում Էին խանութների տարածք եւ հափշտակում ունեցվածքը՝ դրամական միջոցներով եւ ոսկերչական զարդերով չհրկիզվող պահարանները:

Մամուլի ծառայությունում նշել են, որ ոստիկանությունն իրականացնում Է միջոցառումներ, որոնց նպատակը ձերբակալվածների հանցավոր գործունեության այլ Էպիզոդների բացահայտումն Է: