Անցած մեկ օրում ոստիկանությունը բացահայտել է յուրացման 1 և մարմնական վնասվածք հասցնելու 10 դեպք

ԵՐԵՎԱՆ, 4 ՓԵՏՐՎԱՐԻ, ԱՐՄԵՆՊՐԵՍ: Հանրապետությունում անցած 1 օրվա ընթացքում արձանագրված ճանապարհատրանսպորտային 2 պատահարների հետևանքով 3 մարդ ստացել է տարբեր աստիճանի մարմնական վնասվածքներ: «Արմենպրես»-ի հաղորդմամբ` ըստ ՀՀ ոստիկանության օպերատիվ հաղորդագրությունների ամփոփագրերի, փետրվարի 3-ից 4-ն ընկած ժամանակահատվածում հանրապետությունում արձանագրված խարդախության 27 դեպքից բացահայտվել է 26-ը, յուրացման 1 և մարմնական վնասվածք հասցնելու 10 դեպքերը բացահայտվել են: Բացահայտվել է նաև գողության 2 դեպք:Նախկինում կատարված հանցագործություններից բացահայտվել է գողության 1 դեպք: