Ճամփեզրի ծառին բախված «Մերսեդես-Բենց»-ի վարորդը մահացել է, 20-ամյա ուղևորը հոսպիտալացվել

ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: «Մերսեդես-Բենց» մակնիշի ավտոմեքենան հունվարի 7-ին` ժամը 00.30-ի սահմաններում, Սևան-Մարտունի-Գետափ ճանապարհի 52-րդ կմ-ին բախվել է ճամփեզրի ծառին: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, պատահարի հետևանքով վարորդը` 1988թ. ծնված Սերյոժա Կարապետյանը, տեղում մահացել է, իսկ 20-ամյա ուղևորը մարմնական վնասվածքներով տեղափոխվել հիվանդանոց։ Կատարվում է քննություն: