Հունվարի 1-8-ը հանրապետությունում գրանցված 53 ՃՏՊ-ի հետևանքով զոհվել է 10 մարդ

ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: ՀՀ տարածքում հունվարի 1-8-ն ընկած ժամանակահատվածում արձանգրվել է ճանապարհատրանսպորտային 53 պատահար: «Արմենպրես»-ի հաղորդմամբ` ըստ ՀՀ ոստիկանության օպերատիվ հաղորդագրությունների ամփոփագրերի, պատահարներից 24-ը տեղի է ունեցելԵրևան քաղաքում: ՃՏՊ-ների հետևանքով 10 մարդ զոհվել է (որից 1-ը՝ Երևան քաղաքում), 82-ը (որից 35-ը՝ Երևան քաղաքում) ստացել են տարբեր աստիճանի մարմնական վնասվածքներ:

Նույն ժամանակահատվածում հատուկ պահպանվող տարածք (տուգանային հրապարակ) է տեղափոխվել 13 ավտոմեքենա, որից 10-ը` Երևան քաղաքում. 5 վարորդների մոտ (որից 4-ը` Երևանում) հայտնաբերվել է խմածության առկայություն:

2013 թվականի նույն ժամանակահատվածի համեմատությամբ` մահվան ելքով ճանապարհատրանսպորտային պատահարների թիվը հանրապետությունում 1-ով նվազել է, իսկ վթարների և մարմնական վնասվածքների դեպքերը ավելացել են համապատասխանաբար 4-ով և 2-ով: