Ապարան-Քուչակ ավտոճանապարհին «ԴԱՖ» մակնիշի բեռնատար է շրջվել

ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ: Մ-3 միջպետական ավտոճանապարհի Ապարան-Քուչակ 4-րդ կմ-ին դեկտեմբերի 25-ին` ժամը 00.30-ին, տեղի է ունեցել ՃՏՊ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ դեռևս չբացահայտված հանգամանքներում «ԴԱՖ» մակնիշի IGI-086 պետհամարանիշի բեռնատարը դուրս է եկել ավտոճանապարհի երթևեկելի հատվածից և կողաշրջվել: Վարորդը` 1955թ. ծնված Միգիաշվիլի Ջանիկոն, ստացել է թեթև մարմնական վնասվածքներ. շտապօգնության աշխատակիցները վերջինիս ցուցաբերել են անհրաժեշտ բուժօգնություն, հոսպիտալացման կարիք չի եղել: