Թոնրատան հրդեհի հետևանքով 3-ամյա երեխան այրվածքներով տեղափոխվել է հիվանդանոց

ԵՐԵՎԱՆ, 23 ԴԵԿՏԵՄԲԵՐԻ, ԱՐՄԵՆՊՐԵՍ: Կոտայքի մարզի Առինջ գյուղի գյուղապետարանի մոտակայքում դեկտեմբերի 23-ին` ժամը 03.44-ին, հրդեհ է բռնկվել: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել երկու մարտական հաշվարկ: Պարզվել է, որ հրդեհը բռնկվել է Մաշտոցի պողոտայի Գ. Պ.-ին պատկանող թիվ 41 շինությունում: Հրդեհը մեկուսացվել է ժամը 04.11-ին, մարզվել՝ 04.49:Այրվել են տանիքի փայտե կառուցատարրերը՝ 30 քմ և կենցաղային իրեր:Հրդեհի հետևանքով Ք. Ա.-ը (ծնվ. 2010թ.) դեմքի և ձեռքերի շրջանում ստացել է տարբեր աստիճանի այրվածքներ և հոսպիտալացվել «Ճառագայթային բժշկության և այրվածքների գիտական կենտրոն»: Բժիշկները տուժածի վիճակը գնահատել են միջին ծանրության: