Սևանա լճի ափին մեքենա է արգելափակվել

ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ:Գեղարքունիքի մարզի Սևանա լճի ափամերձ հանգստյան գոտու տարածքում ավտոմեքենան արգելափակվել է ավազակույտի մեջ: Այս մասին ահազանգ է ստացվել դեկտեմբերի 20-ին` ժամը 23.37-ին: Անհրաժեշտ է եղել փրկարարների օգնությունը: ՀՀ արտակարգ իրավիճակների նախարարությունից «Արմենպրես»-ին տեղեկացրին, որ դեպքի վայր է մեկնել մեկ մարտական հաշվարկ:

Հրշեջ-փրկարարները արգելափակումից դուրս են բերել Ա. Բ.-ին պատկանող «Միթսուբիշի Պաջերո» մակնիշի 99 UU 949 պ/հ ավտոմեքենան: