1 րոպեի ընթերցում
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ սահմանադրական դատարանում տեղի է ունեցել սահմանադրական բարեփոխումների մասնագիտական հանձնաժողովի տասնմեկերորդ նիստը՝ Գագիկ Հարությունյանի նախագահությամբ: Ինչպես «Արմենպրես»-ին տեղեկացրին ՀՀ արդարադատության նախարարության տեղեկատվության եւ հասարակայնության հետ կապերի բաժնից, նիստի ընթացքում քննարկվել են հանձնաժողովին ներկայացված առաջարկությունները: Հանձնաժողովի նիստին հրավիրված են եղել հանձնաժողովին մասնագիտական առաջարկություններ ներկայացրած անձինք և կազմակերպությունների ներկայացուցիչները՝ առաջադրված հարցերի քննարկումներին մասնակցելու համար: