Նախագահը Անդրեասյանին և Մարկարովին շնորհել է ֆիզիկական կուլտուրայի և սպորտի վաստակավոր գործչի պատվավոր կոչում

ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության նախագահ Սերժ Սարգսյանը ֆիզիկական կուլտուրայի և սպորտի վաստակավոր գործչի պատվավոր կոչում է շնորհել Արկադի Անդրեասյանին և Էդուարդ Մարկարովին:

Ինչպես «Արմենպրեսին»-ին հաղորդեցին ՀՀ Նախագահի աշխատակազմի հասարակայնության ու տեղեկատվության միջոցների հետ կապերի վարչությունից, «Արարատ» ֆուտբոլային ակումբի վետերանները պարգևատրվել են Հայկական ֆուտբոլի զարգացման գործում ունեցած մեծ վաստակի և ձեռք բերած ակնառու նվաճումների համար: