Մեկնարկել է Մոսկվայի Հայոց առաջնորդանիստ եկեղեցու օծման հանդիսավոր արարողությունը. ՈւՂԻՂ ՄԻԱՑՈՒՄ

3 րոպեի ընթերցում

ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Մոսկվայում Ն.Ս.Օ.Տ.Տ. Գարեգին Բ Ամենայն Հայոց կաթողիկոսի հանդիսապետությամբմեկնարկել է Հայ առաքելական եկեղեցու Նոր Նախիջեւանի եւ Ռուսաստանի Հայոց թեմի առաջնորդանիստ եկեղեցու օծման և եկեղեցական համալիրի բացման արարողությունը: «Արմենպրես»-ի հաղորդմամբ` արարողությանը մասնակցում են ՀՀ Նախագահ Սերժ Սարգսյանը, քաղաքական գործիչներ, հոգեւոր դասի ներկայացուցիչներ, հյուրեր:

Մոսկվայի Օլիմպիական և Տրիֆոնովյան փողոցների խաչմերուկում գտնվող Նոր Նախիջևանի և Ռուսաստանի հայոց թեմի առաջնորդանիստ շքեղակառույց եկեղեցական համալիրը զբաղեցնում է 1,32 հա տարածք և ընդգրկում առաջնորդանիստ Ս. Տաճարը, Ս. Խաչ եկեղեցին, առաջնորդարանի շենքը, կրթամշակութային ու վարչական մասնաշենքերը, ունի թանգարան, հանդիսությունների սրահներ և այլ օժանդակ շինություններ:

50 մ բարձրությամբ առաջնորդանիստ տաճարի և համալիրի (ճարտարապետ Արտակ Ղուլյան, գլխ. կոնստրուկտոր Հովհաննես Մեյրոյան) նախագծման աշխատանքներն սկսվել են 2004 թ.-ին, իսկ կառուցումը` 2006 թվականին` ռուսաստանաբնակ եկեղեցասեր հայորդիների բարերարությամբ:

Տաճարի քառախորան գմբեթի վրա Քրիստոսի 72 աշակերտների հիշատակին նվիրված խաչեր են քանդակված: Տաճարն ու ողջ եկեղեցական համալիրն իր լուծումներով, բազում զարդաքանդակներով ու խաչքարերով այցելուին պատկերացում է տալիս հայոց ճարտարապետության մասին, իսկ տաճարն ագուցող հարթաքանդակներով ներկայացվում են հայ ժողովրդի պատմության տարբեր դրվագներ, ինչպես օրինակ` գրերի գյուտը, քրիստոնեության ընդունումը, հավատքի ու հայրենիքի համար մղված պայքարը և այլն: Տաճարի մուտքի վերնամասը զարդարում է Հիսուս Քրիստոսի պատկերաքանդակը, ձախ և աջ կողմերում պատկերված են Հայ Եկեղեցու գլխավոր սրբությունները` Ս. Գեղարդը և Հայրապետական Աթոռի խորհրդանիշ` Ս. Գրիգոր Լուսավորչի Աջը: Տաճարը ներսից զարդարված է աստվածաշնչյան և Հայ Եկեղեցու սրբերի յուրօրինակ որմնապատկերներով:

Ս. Խաչ եկեղեցու երկու բաց խորանախորշերում կանգնեցված են հայոց գրին ու հավատին նվիրված արձանագիր հուշակոթողներ: Համալիրի տարածքում տեղադրված է նաև հայ և ռուս ժողովուրդների բարեկամությունը խորհրդանշող հուշաքար:

Սեպտեմբերի 17-ին նախատեսված է նաեւ մեծ տոնական համերգ, որին հանդես կգա Վլադիմիր Սպիվակովի ղեկավարած Ռուսաստանի ազգային ֆիլհարմոնիկ նվագախումբը: Մեկ հարկի ելույթ կունենան բազմաթիվ հայ մեծանուներգիչներ ևերաժիշտներ ՝ Սերգեյ Խաչատրյանը, Նարեկ Հախնազարյանը, Հասմիկ Պապյանը և Իզաբել Բայրաքդարյանը: Միջոցառմանը կմասնակցեն նաև երգչախմբեր Մոսկվայից, ինչպես նաև Էջմիածնից:

Հայերեն English Русский

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը

Կոպենհագենն ու Նուուկն ինքնիշխանության երաշխիքների դիմաց ԱՄՆ-ին հասանելիություն են տրամադրել դեպի Գրենլանդիա

Ծովինարում հիմնանորոգվում է 4 փողոց

Գավառի թիվ 8 միջնակարգ դպրոցի լաբորատորիան համալրվել է օդի, հողի և ջրի մոնիտորինգի ժամանակակից սարքավորումներով

Անհայտ կորած անձանց հարցերով միջազգային հանձնաժողովն իր փորձով և վարժընթացներով պատրաստ է աջակցել ՀՀ իշխանություններին

Երևանում կասեցվել է առանց ՇՄԱԳ-ի դրական եզրակացության իրականացվող յուղերի վերամշակումը

Կա մեծ հավանականություն, որ առաջիկա տասնամյակներում Կայան-Իջևան-Դիլիջան-Վանաձոր-Սպիտակ-Գյումրի-Ախուրիկ ավտոճանապարհը լինելու է մեր տարածաշրջանի ամենածանրաբեռնված ճանապարհներից. ՀՀ վարչապետ

Պուտինն ամփոփել է Թրամփի և Սի Ծինփինի հետ հանդիպման արդյունքները