1 րոպեի ընթերցում
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականի եւ Մոսկվայի «Սպարտակ»-ի ֆուտբոլիստ Արազ Օզբիլիսը խոսել է նոր խաղաշրջանում «Սպարտակ»-ի առջեւ դրված նպատակների մասին:
«Արմենպրես»-ի տեղեկացմամբ, Championat.com կայքի հետ զրույցում Օզբիլիսը մասնավորապես ասել է. «Գիտեմ, որ «Սպարտակ»-ը վերջին անգամ չեմպիոնական տիտղոսը նվաճել է 2001թ.-ին, եւ հենց այդ պատճառով բոլորը թիմում վառվում են տիտղոսը նվաճելու անհագ ցանկությամբ: Սակայն հարկ չեմ համարում, որ մենք կենտրոնանք միայն առաջին տեղի վրա: Թիմն ապրում է մեկ շաբաթական շրջանով, եւ ամեն անգամ մենք մտածում են հաջորդ խաղի մասին»:
Հայաստանի ազգային հավաքականի անդամն «Սպարտակ» է տեղափոխվել Կրասնոդարի «Կուբան»-ից: