Խարդախության մեջ մեղադրվողը բերման է ենթարկվել Քիշնեւ-Մոսկվա-Երեւան չվերթով

ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: ՀՀ ոստիկանության քրեական հետախուզության գլխավոր վարչության օպերատիվ խմբի կողմից ապրիլի 6-ին` ժամը 04.40-ին, Քիշնև-Մոսկվա-Երևան չվերթի ինքնաթիռով ՀՀ է տեղափոխվել 1967թ. ծնված Սմբատ Գ.-ն: Ինչպես «Արմենպրես»-ին տեղեկացրին ՀՀ ոստիկանության հասարակայնության հե կապերի եւ լրատվության վարչությունից, Սմբատ Գ.-ն 2010թ. դեկտեմբերի 17-ից ոստիկանության Քանաքեռ-Զեյթունի բաժնի կողմից հետախուզվում էր խարդախության մեղադրանքով:

Որպես խափանման միջոց է կիրառվել կալանքը:Սմբատ Գ.-ն փոխանցվել է ոստիկանության Քանաքեռ-Զեյթունի բաժնի ծառայողներին: