Քաղաքականություն

Պարույր Հայրիկյանն Անդրիաս Ղուկասյանին է հանձնել միասնական թեկնածուով հանդես գալու բաց նամակը

2 րոպեի ընթերցում

Պարույր Հայրիկյանն Անդրիաս Ղուկասյանին է հանձնել միասնական թեկնածուով հանդես գալու բաց նամակը

ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Նախագահի թեկնածու Պարույր Հայրիկյանը հացադուլ հայտարարած թեկնածու Անդրիաս Ղուկասյանին է հանձնել միասնական թեկնածուով հանդես գալու բաց նամակը:«Արմենպրես»-ի հաղորդմամբ` նա այցելել է Անդրիաս Ղուկասյանին, ով քարոզարշավի մեկնարկի պահից` հունվարի 21-ից, «Վերջ շինծու ընտրություններին» կարգախոսով հացադուլ է հայտարարել ու հանգրվանել ՀՀ գիտությունների ազգային ակադեմիայի բակում:

Հայրիկյանը միավորվելու առաջարկով հանդես է եկել փետրվարի 9-ին բաց նամակով` նշելով, որ այդ ուղղությամբ իր զանգերը Րաֆֆի Հովհաննիսյանին ու Հրանտ Բագրատյանին անարձագանք էին մնում (չնայած «Ժառանգություն» կուսակցությունում նշում են, թե միավորվելու առաջարկի մասին տեղեկացել են մամուլից- խմբ.):«Ազգային ինքնորոշում միավորում» կուսակցության առաջնորդը նախագահական ընտրությունները 14 օրով հետաձգելու համար ՍԴ դիմելու որոշումը պայմանավորում էր թեկնածուներ Րաֆֆի Հովհաննիսյանի և Հրանտ Բագրատյանի հետ ընդդիմադիր միասնական թեկնածու ունենալու շուրջ հնարավոր քննարկումների արդյունքներով:Նախագահական ընտրություններին նախագահի պաշտոնի համար պայքարում են յոթ թեկնածուներ, որոնցից երեքին, փաստորեն, Պարույր Հայրիկյանը ուժերը միավորելու կոչ է անում այն երկու շաբաթվա ընթացքում, որի հնարավորությունը նրան` որպես մահափորձի ենթարկված թեկնածուի տալիս է ՀՀ Սահմանադրությունը:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում