2 րոպեի ընթերցում
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ:Հայաստանը կարևորում է մասնակցությունը Հյուսիսատլանտյան դաշինքի կողմից իրականացվող ռազմակրթական բազմաթիվծրագրերին: Այս մասին«Արմենպրես»-ի հետ զրույցում հայնտեց ՀՀ ՊՆ մամլո քարտուղար Արծրուն Հովհաննիսյանը՝ հավելելով, որՆԱՏՕ-ն իրականացնում է տարբեր ռազմակրթական ծրագրեր, Հայաստանի ներգրավվածությունը բավականաչափ ակտիվ է: Կան ծրագրեր, որոնք անմիջապես իրականացնում է իր շտաբի հրահանգներով եւ իր շտաբի ենթակայության տակ: Ունի նաեւ ծրագրեր, որոնց աջակցում է ֆինանսապես կամ ՆԱՏՕ-ի անդամ որևէ երկիր է իրականացնում որոշակի ռազմակրթական ծրագիր:
«Հայաստանը սերտ համագործակցություն ունի արտերկրի ռազմական բուհերի հետ: Այս առումով համագործակցում ենք ԱՄՆ-ի, Գերմանիայի, Իտալիայի, Հունաստանի և այլ երկրների ռազմական բարձրագույն ուսումնական հաստատությունների հետ: Նկատվում է նաև այդ ռազմակրթական ծրագրերով սովորողների ակնհայտ աճ: Պիտի ասեմ, որ մենք արտերկրյա ռազմական բուհեր գնացել ենք, գնում ենք ու պիտի շարունակենք գնալ»,-հայտնեց Հովհաննիսյանը:
Անդրադառնալով այն հարցին, թե ինչ են տալիս այս ռազմակրթական ծրագրերը զինվորներին՝ ՀՀ ՊՆ մամլո քարտուղարը շեշտեց, որ դրանք կարևոր են ոչ միայն լեզվի դասավանդման առումով, այլ նաև հրամանատարական դասընթացների և զինվորական մասնագիտացումների համար: