Հայերը, որպես աշխարհի ամենահին ժողովուրդներից մեկը, շատ բան ունեն աշխարհին ցույց տալու. Վյաչեսլավ Կովալենկո

3 րոպեի ընթերցում

ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետությունում Ռուսաստանի Դաշնության արտակարգ և լիազոր դեսպան Վյաչեսլավ Կովալենկոն պարգեւատրվեց ՅՈՒՆԵՍԿՕ-ի պատվո շքանշանով և Ռուսաստանի Տուրիզմի միջազգային ակադեմիայի պատվավոր դոկտորի կոչմամբ:Պատվավոր կոչումները նրան հանձնեց Ռուսաստանի Տուրիզմի Միջազգային Ակադեմիայի ռեկտոր Իգոր Զորինը: Իր հերթին Կովալենկոն շնորհակալագրերով պարգևատրեց Տուրիզմի հայկական ինստիտուտի տնօրեն Ռոբերտ Մինասյանին և ՌՏՄԱ ռեկտոր Իգոր Զորինին:

Հոկտեմբերի 8-ին Ռուսաստանի դեսպանատանը ռուս-հայկական գիտազբոսաշրջայինհամատեղարշավի մասնակիցների պատվին կազմակերպված հանդիսավոր ընդունելությանը դեսպանն արշավի նախաձեռնությունը կարևոր համարեց Հայաստանում զբոսաշրջության զարգացմանը նպաստելու առումով:

Նա նշեց, որ հայերը, հանդիսանալով աշխարհի ամենահին ժողովուրդներից մեկը, շատ բան ունեն աշխարհին ցույց տալու: «Դուք որպես առաջամարտիկներ կատարեցիք այդ քայլը»,- «Արմենպրես»-ի փոխանցմամբ` ասաց Կովալենկոն:

Զորինն իր հերթին ասաց, որ Ռուսաստանում շատ քչերը գիտեն Հայաստանի առաջին քրիստոնյա երկիր լինելու մասին:«Արշավի նախագիծը կնպաստի Հայաստանի ճանաչողման բարձրացմանը Ռուսաստանում: Որքան շատ զբոսաշրջիկներ գան Հայաստան, այնքան ամուր կլինեն ուղղափառ ավանդույթները»,- ասաց ՌՏՄԱ ռեկտորը:

Տուրիզմի հայկական ինստիտուտի տնօրեն Ռոբերտ Մինասյանը խոստացավ, որ այս նախագիծը շարունակական բնույթ է կրելու՝ նպաստելով Հայաստանի նոր զբոսաշրջային ռեսուրսների բացահայտմանը: «Մեզ արդեն դիմում են այլ երկրների դեսպաններ՝ նմանատիպ նախագծերին մասնակցելու ցանկությամբ»,- նշեց Մինասյանը:

Միջոցառմանը ներկա ՀՀ էկոնոմիկային փոխնախարար Արա Պետրոսյանը կարևորեց արշավին երիտասարդների մասնակցության հանգամանքը, որոնք իրենց աչքով են տեսել Հայաստանի զբոսաշրջային հնարավորությունները : «Շատ մոտ ապագայում մենք կտեսնենք արշավի պտուղները»,- համոզմունք հայտնեց Պետրոսյանը:

Հայ-ռուսական դիվանագիտական հարաբերությունների հաստատման 20-ամյակին նվիրված առաջին համատեղ գիտարշավն անցկացվում է սեպտեմբերի 30-ից հոկտեմբերի 9-ը` ՀՀ էկոնոմիկայի նախարարության և Ռուսաստանի Դաշնության դեսպանատան հովանավորությամբ:

Հայերեն Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ