ՈւԵՖԱ-ն ֆուտբոլի ակումբների խոշոր գումարներ կվճարի

ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Եվրոպայի ֆուտբոլի միությունների ասոցիացիայի՝ ՈւԵՖԱ-ի գլխավոր քարտուղար Ջաննի Ինֆանտինոն հայտարարել Է, որ Եվրագավաթներին մասնակցող ֆուտբոլի ակումբների եկամուտները շուտով ավելանալու են: Ինչպես տեղեկացնում Է «Արմենպրես»-ը` վկայակոչելով ՈւԵՖԱ-ի պաշտոնական կայքը, Ինֆանտինոն գումարների ավելացումը պայմանավորել է մի շարք միջոցառումներով, այդ թվում՝ ՈւԵՖԱ-ի կողմից նոր կոմերցիոն գործընկեր ունենալու եւ մեդիաիրավունքների վաճառման նոր համակարգի հետ:

ՈւԵՖԱ-ն 2012-2013 թվականների Եվրոպայի ֆուտբոլի չեմպիոնների լիգայի նախնական երեք փուլերին մասնակցող ակումբներին վճարելու Է 140000 եվրո գումար` յուրաքանչյուր փուլին մասնակցելու համար:

Հայաստանի ֆուտբոլի ակումբներն առ այսօր Եվրագավաթների նախնական փուլի արգելքը չեն հաղթահարել, սակայն հաջող խաղացել են առաջին երկու փուլերում: