396.58
Ռաֆայել Նադալը վնասվածքի պատճառով չի մասնակցի Լոնդոնի օլիմպիադային
1 րոպեի ընթերցում
ԵՐԵՎԱՆ, 20 ՀՈՒԼԻՍԻ,ԱՐՄԵՆՊՐԵՍ: Աշխարհի լավագույն թենիսիստներից մեկը` իսպանացի Ռաֆայել Նադալը չի մասնակցելու Լոնդոնի օլիմպիական խաղերին: Ինչպես «Արմենպրես» -ին տեղեկացրին մարզական լրագրողների միջազգային ասոցիացիայից, Նադալը չի մասնակցի թենիսի օլիմպիական մրցաշարին` ծնկի վնասվածքի պատճառով: Նադալը համարվում Էր օլիմպիական խաղերի գլխավոր աստղերից մեկը: Իսպանացի թենիսիստը երկար տարիներ աշխարհի լավագույն թենիսիստների եռյակում է. ժամանակ առ ժամանակ զբաղեցրել է նաեւ միջազգային թենիսի ամենաբարձր վարկանիշը:
Գերմանիայի թենիսի ֆեդերացիան տեղեկացրել Է, որ վնասվածքի պատճառով օլիմպիադայում հանդես չի գալու նաեւ գերմանացի թենիսիստ Անդրեա Պետկովիչը:
Բաժանորդագրվեք մեր ալիքին Telegram-ում