3 րոպեի ընթերցում
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Հեղինակավոր «Eurosport» հեռուստաալիքի` Ուկրաինայի առաջնությանը նվիրված նյութում Հայաստանի ֆուտբոլի ազգային հավաքականի կիսապաշտպան Հենրիխ Մխիթարյանը նշվել է որպես Դոնեցկի «Շախտյոր»-ի գլխավոր աստղ: «Արմենպրես»- փոխանցմամբ, հեղինակավոր հեռուսաատալիքի լրագրողը մեր ֆուտբոլիստի մասին ասել է.
«Որևէ մեկին առանձնացնելը ոչ թե անհնար է, այլ խնդրահարույց: 20 միլիոնանոց ֆուտբոլիստ Վիլիանի ներկայությամբ, գրեթե լեգենդ դարձած Սռնայի, «Բարսա»-ի կազմում խաղացած Չիգրինսկու, «նոր ուկրաինացի» Դևիչի, գոլահարներ՝ Սելեզնյովի և Ադրիանոի հետ մեկտեղ «Շախտյոր»-ի գլխավոր աստղերը միևնույն է մնում են նրա ղեկավարները. թիմի սեփականատեր Ռենատ Ահմետովն իր թիմով, ով պատասխանատու է ամեն ինչի համար, և գլխավոր մարզիչ Միրչա Լուչեսկուն, ով պատասխանատու է միայն ֆուտբոլի համար: Սակայն մենք ամեն դեպքում խոսում ենք ֆուտբոլի մասին, դրա համար էլ մեր ընտրությունը Հենրիխ Մխիթարյանն է՝ «Շախտյոր»-ի և Հայաստանի ազգային հավաքականի գրոհների 23-ամյա կառուցողը:
Ֆուտբոլային կրթությունը սկսելով Ֆրանսիայում, որտեղ ֆուտբոլային կարիերան ավարտել է նրա հայրը՝ հայազգի գոլահար Համլետ Մխիթարյանը, Հենրիխն իր ֆուտբոլային կարիերայի մեկնարկը տվել է հայրենիքում: «Փյունիկ»-ում անցկացրած երեք մրցաշրջանների ընթացքում նա խփել է 30 գնդակ: 2009 թվականին Դոնեցկի «Մետալուրգ»-ը չվարանեց խաղադրույք կատարել 20-ամյա կիսապաշտպանի վրա և չսխալվեց. Անհամամետ ավելի հզոր «Շախտյոր»-ն արդեն 1,5 տարի անց իր ձեռքը վերցրեց Մխիթարյանին: Ֆերնանդինյոյի վնասվածքի պատճառով Հենրիխը զբաղեցրեց հենակետայինի դիրքը և միգուցե խաղաց ավելի շատ, քան սկզբում նախատեսված էր:
Իր երկրորդ մրցաշրջանում հայ լեգեոներն ազատվեց փորձարկումներից, ինչը թույլ տվեց նրան դառնալ տասը գոլի հեղինակ: Մխիթարյանն արագացնում է հարձակումները՝ գործելով ամբողջ երկայնքով, ոչ այնքան հաճախ է դառնում գոլային փոխանցումների հեղինակ, սակայն շնորհիվ նրա գործողությունների՝ «Շախտյոր»-ի գրոհները դառնում են ավելի վտանգավոր: Հենց Մխիթարյանի խաղը թույլ տվեց Լուչեսկուին հանգիստ սրտվ բաժանվել Ժադսոնից, ով Դոնեցկում էր խաղացել 5,5 տարի»:
Ուկրանիայի նոր առաջնությունը կմեկնարկի հուլիսի 13-ին: Առաջին տուրումՄխիթարյանի թիմի մրցակիցը լինելու է Կիևի «Արսենալ»-ը: Հանդիպումը կկայանա հուլիսի 15-ին՝ Դոնեցկում: