«Յուվենտուս»-ը ոչ-ոքի ավարտեց հանդիպումը. ՏԵՍԱՆՅՈՒԹ

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Կայացան Իտալիայի «Սերիա Ա»-ի 27-րդ տուրի հանդիպումները: Ինչպես փոխանցում է «Արմենպրես»-ը, վկայակոչելով «Terrikon.com»-ը, «Նապոլի»-ն սեփական հարկի տակ առավելության հասավ «Կալյարի»-ի նկատմամբ` խոշոր 6-3 հաշվով:

«Ինտեր»-ն առավելության հասավ «Կիեւո»-ի նկատմամբ, «Միլան»-ը հաղթեց «Լեչե»-ին, իսկ «Սիենա»-ն պարտության մատնեց «Չեզենա»-ին` նույն 2-0 հաշվով:

«Պալերմո»-ն զիջեց «Ռոմա»-ին` նվազագույն հաշվով: «Կատանիա»-ն հաղթեց «Ֆիորենտինա»-ին (1-0): Իսկ «Նովարան»-ն առավելության հասավ «Ուդինեզե»-ի նկատմամբ:

Իրենց հանդիպումները ոչ-ոքի ավարտեցին «Ջենովա»-«Յուվենտուս» (0-0) եւ «Ատլանտա»-«Պարմա» զույգերը:

«Լացիոն»-ն 3-1 հաշվով պարտվեց «Բոլոնիա»-ի նկատմամբ:

«Սերիա Ա»-ն շարունակում է գլխավորել «Միլան»-ը (57 միավոր), երկրորդ տեղում «Յուվենտուս»-ն է` 53 միավորով, իսկ եռյակը եզրափակող «Լացիո»-ն ունի 48 միավոր: