«Յուվենթուս»-ը կերկարաձգի Բուֆֆոնի հետ պայմանագրի ժամկետը

ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Իտալական «Յուվենթուս»-ը պատրաստվում է նոր պայմանագիր առաջարկել ակումբի դարպասապահ Ջանլուիջի Բուֆֆոնին: Ինչպես հաղորդում է «Արմենպրես»-ը` վկայակոչելով eurosport.ru-ն, Բուֆֆոնի ներկայիս պայմանագիրը ավարտվում է 2013 թ-ի ամռանը, սակայն «Յուվենթուս»-ը պատրաստվում է երկարաձգել պայմանագիրը մինչև 2016 թ-ի ամառ: Այժմ աշխարհի նախկին լավագույն դարպասապահը տարեկան ստանում է 6 մլն եվրո, սակայն նոր պայմանագրով նա կստանա մի փոքր ցածր:

34-ամյա դարպասապահը «Յուվենթուս»-ում հանդես է գալիս 2001 թ-ից և թիմի կազմում անցկացրել է 307 հանդիպում: