Մանվել Զուլալյանին հրաժեշտ կտան ԳԱԱ-ում

ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Կյանքից հեռացել է հայ անվանի պատմաբան, արեւելագետ, ակադեմիկոս 81-ամյա Մանվել Կարապետի Զուլալյանը: Ինչպես հաղորդում է «Արմենպրես»-ը, ՀՀ վարչապետ Տիգրան Սարգսյանի որոշմամբ` ստեղծվել է Զուլալյանի հուղարկավորության կառավարական հանձնաժողով: Հանձնաժողովից տեղեկացնում են, որ ականավոր գիտնականի հոգեհանգստի արարողությունը տեղի կունենա հունվարի 22-ին` ժամը 18:00-ին, Սուրբ Հովհաննես եկեղեցում, իսկ հունվարի 23-ին` ժամը 12:00-14:00-ին ակադեմիկոսին հրաժեշտ կտան ՀՀ գիտությունների ազգային ակադեմիայում: