Գերմանիան նույնպես կարող է Հայոց ցեղասպանության ժխտումը քրեականացնող օրենք ընդունել
1 րոպեի ընթերցում
ԲԵՌԼԻՆ, 20 ՀՈՒՆԻՍԻ, ԱՐՄԵՆՊՐԵՍ: Գերմանիայի կոալիցիոն կառավարության մարդու իրավունքների խորհրդարանական խմբակցության խոսնակ Էրիկա Շթայնբախը հայտարարել է, որ Ֆրանսիայի նման Գերմանիան եւս կարող է Հայոց ցեղասպանության ժխտման համար քրեական պատիժ նախատեսող օրենք ընդունել:
Ինչպես հաղորդում է «Արմենպրես»-ը` վկայակոչելով CNNTurk-ը, Շթայնբախի խոսքով` «կոալիցիոն կառավարության անդամները գտնում են, որ ինչքան էլ Թուրքիան մերժի իրականությունը, բացահայտ է, որ ցեղասպանություն եղել է»:
«Հայոց ցեղասպանության թեման մշտապես պահվում է մեր օրակարգում: Թուրքիան կանգնած է դեմ դիմաց այդ պատասխանատվության առաջ», -ասել է նա:
Շտայնբախը նաեւ նշել է, որ թուրք իշխանավորները կարող են հեշտությամբ ընդունել այդ իրողությունը, եթե հայտարարեն, որ դա կատարել են ոչ ներկայիս Թուրքիայի ղեկավարները: