ՈՒԵՖԱ-ն ներկայացրել է երկրպագուների կողմից ձեւավորված Եվրոպայի 2011 թվականի հավաքականը

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: ՈւԵՖԱ-ի պաշտոնական կայքում իրականացված հարցման արդյունքում ձեւավորվել է Եվրոպայի լավագույն ֆուտբոլիստներից կազմված խորհրդանշական հավաքականը:

Ինչպես տեղեկացնում է «Արմենպրես»-ը, վկայակոչելով ՈՒԵՖԱ-ի պաշտոնական կայքը, մասնակցած 4,5 միլիոն ձայների հիման վրա ձեւավորվել է մի թիմ, որտեղ ընդգրկված են Իսպանիայի ազգային հավաքականի հինգ ֆուտբոլիստներ:

Դարպասապահ` Իկեր Կասիլյաս («Ռեալ» և Իսպանիայի հավաքական)

Աջ պաշտպան` Դանիել Ալվեշ («Բարսելոն»)

Կենտրոնական պաշտպան` Տյագո Սիլվա («Միլան»)

Կենտրոնական պաշտպան` Ժերար Պիկե («Բարսելոն» և Իսպանիայի հավաքական)

Ձախ պաշտպան` Մարսելո («Ռեալ»)

Աջ կիսապաշտպան` Արյեն Ռոբբեն («Բավարիա» և Հոլանդիայի հավաքական)

Կենտրոնական կիսապաշտպան` Խավի («Բարսելոն» և Իսպանիայի հավաքական)

Հարձակողական ոճի կիսապաշտպան` Անդրես Ինյեստա («Բարսելոն» և Իսպանիայի հավաքական)

Ձախ կիսապաշտպան` Գարետ Բեյլ («Տոտենհեմ» և Ուելսի հավաքական)

Հարձակվող` Լիոնել Մեսսի («Բարսելոն»)

Հարձակվող` Քրիշտիանու Ռոնալդու («Ռեալ» և Պորտուգալիայի հավաքական)

Մարզիչ` Խոսեպ Գվարդիոլա («Բարսելոն»)