Վահագն Մինասյանը տեղափոխվեց «Ուլիս»

ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Հայաստանի չեմպիոն Երևանի «Ուլիս»-ը պայմանագիր է կնքել «Միկայի» և ազգային հավաքականի նախկին պաշտպան 26-ամյա Վահագն Մինասյանի հետ: Ինչպես «Արմենպրես»-ին տեղեկացրեց ակումբի գործադիր տնօրեն Գագիկ Գալստյանը, բացի այդ, ՀՀ չեմպիոնի կազմ է վերադարձել հարձակվող Գևորգ Նռանյանը, ով աշնանը տեղափոխվել էր Լիբանան:

Այս ֆուտբոլիստների հետ պայմանագրերը նախատեսված են մինչ 2013 թվականը: Հայաստանի չեմպիոնը հունվարի վերջին երկշաբաթյա ուսումնամարզական հավաքի է մեկնելու Վրաստան, իսկ փետրվարին արտեկրյա երկրորդ հավաքը թիմը կանցկացնի Անթալիայում: