368.54
Աշխարհի լավագույն մարզիչներից մեկը Եվրո-2012-ի ֆավորիտներից է համարում Ռուսաստանը
1 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Ֆուտբոլի իսպանացի մարզիչ Ռաֆայել Բենիտեսը Եվրոպայի գալիք առաջնության լավագույններից է համարում Ռուսաստանի ազգային հավաքականը:
Ինչպես հաղորդում է «Արմենպրես» -ը վկայակոչելով ռուսական www.eurosport.ru -ը, Բենիտեսը լավագույն խումբ է համարում B-ն, որտեղ ընդգրկված են Դանիայի, Գերմանիայի, Հոլանդիայի եւ Պորտուգալիայի ազգային հավաքականները: Անդրադառնալով յուրաքանչյուր խմբին` իսպանացին առանձնացրել է Իսպանիայի, Անգլիայի եւ Ռուսաստանի հավաքականները` բարձր գնահատելով նրանց ցուցադրած խաղը:
Եվրոպայի գալիք առաջնությունը կանցնի Ուկրաինայի եւ Լեհաստանի մարզադաշտերում, չորս խբերում` 16 հավաքականների միջև: Հյուրընկալող երկրներից մեկի` Լեհաստանի հետ նույն խմբում են ընդգրկված Հունաստանի, Ռուսաստանի եւ Չեխիայի հավաքականները: Աշխարհի փոխչեմպիոն հոլանդացիների հետ նույն խմբում են Դանիայի, Գերմանիայի եւ Պորտուգալիայի թիմերը: Եվրոպայի եւ աշխարհի չեմպիոն Իսպանիայի ազգային հավաքականի հետ են մրցելու Խորվաթիան, Իտալիան ու Իռլանդիան: Վերջին խմբում կազմակերպիչ Ուկրաինայի հետ պայքարելու են Ֆրանսիան, Անգլիան եւ Շվեդիան:
Բաժանորդագրվեք մեր ալիքին Telegram-ում