ýրանսահայ նկարչուհի Ասիլվան Երեւանում կկազմակերպի իր աշխատանքների երկրորդ անհատական ցուցահանդեսը

3 րոպեի ընթերցում

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ (թղթ. Վանիկ Սանթրյան): Փարիզաբնակ նկարչուհի Ասիլվան երեք տարվա ընդմիջումից հետո առաջիկա նոյեմբերին բացելու է իր աշխատանքների արդեն երկրորդ անհատական ցուցահանդեսը: Այս անգամ արվեստասերներին նա ներկայանալու է Հայաստանի ազգային պատկերասրահում` ներկայացնելով գեղանկարչական 40 աշխատանք` թղթի վրա: Ցուցահանդեսի նախապատրաստման ընթացքում նկարչուհին եղավ Երեւանում` համապատասխան պայմանավորվածություն ձեռք բերելով պատկերասրահի տնօրեն Փարավոն Միրզոյանի հետ: Փարիզ վերադառնալուց առաջ նկարչուհին «Արմենպրեսե-ին ասաց, որ Լեռնային Ղարաբաղի մշակույթի նախարար Կամո Աթայանի հետ նախնական պայմանավորվածության համաձայն ցուցահանդեսը փակելուց անմիջապես հետո աշխատանքների մի մասը պետք է ներկայացվեր Ստեփանակերտում, սակայն դա հետաձգվել է եւ, գուցե, եկող տարի այնտեղ կազմակերպվի նրա անհատական ցուցահանդեսը: Այստեղ գտնվելու 20 օրերի ընթացքում Ասիլվան ծանոթացել է տեղի մշակութային կյանքին, այցելել ցուցահանդեսներ եւ գործընկերների արվեստանոցներ, շրջագայել հանրապետությունում, մասնավորապես` հայ գրողների հետ ներկա գտնվելով Զանգակատանը՝ Պարույր Սեւակի տան բակում կայացած պոեզիայի տոնին: Մինչեւ 2004 թվականը Երեւանում Ասիլվային քչերը գիտեին, սակայն այդ թվականի սեպտեմբերի սկզբին նա Հայաստանի նկարչի տանը բացել է առաջին անհատական ցուցահանդեսը` արժանանալով հանրության ուշադրությանը: Նրա այցելուների թվում էին Ռուսաստանի, Իտալիայի, այլ երկրների դեսպաններ, ýրանսահայ անվանի նկարիչ Ռիշար Ժերանյանը, հյուրեր Փարիզից եւ Կ. Պոլսից, իսկ փակումը կատարել է այդ շրջանում Հայաստանում üրանսիայի դեսպան Անրի Կյունին: Իր աշխատանքներից մեկը՝ «Մեծ եղեռնըե, նկարչուհին նվիրել է Հայոց ցեղասպանության թանգարան- ինստիտուտին: 2005 թվականին Ասիլվայի նախաձեռնությամբ Երեւանի «Ականթե արվեստի սրահում կազմակերպվել է Եվրոպայի, Ասիայի, Աýրիկայի եւ Ամերիկայի 10 երկրների 16 նկարիչների աշխատանքների ցուցահանդեսը՝ հեղինակների մասնակցությամբ: Իսկ անցյալ տարի նկարչուհին կարճաժամկետ այցով եղել է Լեռնային Ղարաբաղում: Ասիլվան ծնվել եւ ուսում է առել Թուրքիայում, այնուհետեւ հաստատվել Փարիզում: Ունի դուստր եւ տղա, որոնք երեք տարի առաջ Հայաստանում մասնակցել են մոր անդրանիկ ցուցահանդեսի բացմանը:

Հայերեն

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը

Վարչապետն աշխատանքային նախաճաշ է ունեցել Digitec 2026-ին մասնակցող ՏՏ ոլորտի ընկերությունների ղեկավարների հետ