1 րոպեի ընթերցում
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ (թղթ. Արման Գասպարյան): Մեծանուն ýոտոլրագրող Լեոնիդ Մայիլյանի հիշատակին նվիրված լուսանկարների ցուցահանդես բացվեց այսօր Հայաստանի ազգային պատկերասրահում: Ներկայացվեցին լուսանկարչի շուրջ 300 աշխատանքներ, ընդ որում, ոչ միայն գեղարվեստական ստեղծագործություններ, այլեւ ընտանեկան, թղթակցային լուսանկարներ: Լ. Մայիլյանն իր բեղմնավոր գործունեության ընթացքում արժանացել է բազմաթիվ պատվոգրերի, մի շարք լուսանկարչական մրցույթների դափնեկիր է: Ինչպես նշեց նրա դուստրը` երգչուհի Աննա Մայիլյանը, Լ. Մայիլյանի ստեղծած ցանկացած լուսանկար, անգամ աննշան թղթակցային կադր կարծես վերածվում էր արվեստի գործի. մի լուսանկարով նա կարողանում էր արտացոլել մարդու ներաշխարհը, նրա հույզերը, խնդիրները: Լինելով լայն մտահորիզոն ունեցող բացառիկ անձնավորություն` Լ. Մայիլյանը Երեւանի պետական համալսարանում դասավանդել է նաեւ ռուսաց լեզու եւ գրականություն: