ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

4 րոպեի ընթերցում

Հայաստանի կրթության, գիտության, մշակույթի և սպորտի նախարարի տեղակալ Տիգրան Սիմոնյանն ընդունել է Եվրոպայի խորհրդի սպորտի բաժնի ղեկավար Ստանիսլաս Ֆրոսարին և մարզական մրցումների մեքենայությունների դեմ պայքարի ծրագրի ղեկավար Կորանտեն Սեգալենին։

«Արմենպրես»-ի փոխանցմամբ՝ ԿԳՄՍ նախարարության հասարակայնության հետ կապերի և տեղեկատվության վարչությունից հայտնում են, որ հանդիպմանը քննարկվել են Հայաստանում «Մարզական մրցումների մեքենայությունների մասին» Եվրոպայի խորհրդի կոնվենցիայի (Մակոլինի կոնվենցիա) կիրառման, մարզական մրցումների մեքենայությունների դեմ պայքարի ազգային հարթակի ստեղծման և Եվրոպայի խորհրդի հետ համագործակցության ընդլայնման հարցերը։

ԿԳՄՍՆ նախաձեռնությամբ նոյեմբերի 19-20-ը Սպորտի կառավարման կենտրոնում ԵԽ փորձագետների մասնակցությամբ անցկացվել է կոնվենցիայի կիրառմանը նվիրված երկօրյա սեմինար, որին մասնակցել են պետական և իրավապահ մարմինների, Երևանի քաղաքապետարանի, Հակադոպինգային գործակալության, մարզական ֆեդերացիաների ներկայացուցիչներ։

Ողջունելով հյուրերին՝ Տիգրան Սիմոնյանը կարևորել է Եվրոպայի խորհրդի հետ արդյունավետ համագործակցությունը և կոնվենցիայի դրույթների գործնական իրականացումը՝ ընդգծելով մարզական մրցումների արդարության ու թափանցիկության ապահովման առաջնահերթությունը։

«Նախարարությունը պատրաստակամ է գործադրելու անհրաժեշտ ջանքերը՝ մարզական մրցումների մեքենայությունների դեմ պայքարի արդյունավետ մեխանիզմներ ձևավորելու, միջգերատեսչական համագործակցությունն ամրապնդելու և միջազգային լավագույն փորձը ներդնելու ուղղությամբ»,- նշել է Տիգրան Սիմոնյանը։

ԵԽ ներկայացուցիչները շնորհակալություն են հայտնել ընդունելության համար և բարձր գնահատել երկօրյա սեմինարի արդյունքները՝ կարևորելով մասնակիցների ակտիվ ներգրավվածությունը, միջգերատեսչական համագործակցության ամրապնդումը և տեղեկատվության արդյունավետ փոխանակումը։ Նրանք ընդգծել են ազգային հարթակի ստեղծման ուղղությամբ ձևավորված դրական առաջընթացը և գործընթացի շարունակականության անհրաժեշտությունը՝ պատրաստակամություն հայտնելով աջակցելու Հայաստանին միջազգային փորձի փոխանակման և համապատասխան կարողությունների զարգացման գործում։

Մարզական մրցումների մեքենայությունների դեմ պայքարի ծրագրի ղեկավար Կորանտեն Սեգալենն ընդգծել է, որ սպորտային խաղադրույքների շուկայի աճին զուգահեռ մեծանում են նաև մարզական մրցումների մեքենայությունների ռիսկերը։ Նա կարևորել է Հայաստանի ազգային հարթակի ձևավորումն ու ներգրավումը Կոպենհագենի խմբի՝ ազգային հարթակների միջազգային ցանցի աշխատանքներում։

Հանդիպմանը քննարկվել են նաև Եվրոպայի խորհրդի հետ համագործակցության այլ ուղղություններ, որոնք վերաբերել են սպորտում երեխաների պաշտպանությանը, Եվրոպական սպորտային խարտիայի դրույթների իրականացմանը, ներառական սպորտի զարգացմանը։

Նշվել է, որ Սպորտի կառավարման կենտրոնում անցկացված երկօրյա սեմինարին քննարկվել են Մակոլինի կոնվենցիայի գործնական կիրառման, ազգային հարթակի ձևավորման, օրենսդրության կատարելագործման և տեղեկատվության փոխանակման մեխանիզմները։ Կազմակերպվել են նաև գործնական վարժություններ՝ հնարավոր մեքենայությունների վերաբերյալ ահազանգերի գնահատման և ռիսկերի դասակարգման նպատակով։

Հայաստանի համար 2026 թվականի սեպտեմբերի 1-ից ուժի մեջ մտած Մակոլինի կոնվենցիան նպատակ ունի կանխարգելելու և բացահայտելու մարզական մրցումների մեքենայությունները՝ խթանելով պետական, մարզական և մասնավոր կառույցների համագործակցությունը։

 

 

Հայերեն

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին

Թվային լուծումներ՝ մեկ էկոհամակարգում․ IDBank-ը՝ DigiTec 2026-ում

Firebird-ը Dell Technologies-ի հետ ընդլայնում է իր ԱԲ ենթակառուցվածքը Հայաստանում

Կարմիր Խաչի միջազգային կոմիտեն Վարդենիս համայնքին է նվիրաբերել հացահատիկամաքրիչ 2 մեքենա

Որքան լայն է երեխայի հետաքրքրությունների շրջանակն, այնքան մեծ է նրա մտահորիզոնը․ ՀՀ ԿԳՄՍ նախարար

ՀԱՓԿ-ի և ԵՄ-ի գործակցության շրջանակում վերապատրաստում անցած ականազերծողները հավաստագրեր ստացան

Ֆրանսիան ՄԱԿ-ի Անվտանգության խորհրդի նիստ է հրավիրել ՌԴ-ի կողմից Կիևին հասցված հարվածների կապակցությամբ