38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

2 րոպեի ընթերցում

Ուկրաինայի էներգետիկ ենթակառուցվածքներին Ռուսաստանի շարունակվող հարվածները մեծացնում են միջուկային վթարի վտանգը։ Այս մասին նոյեմբերի 16-ին զգուշացրել են ընդհանուր առմամբ 38 երկիր ներկայացնող միջուկային և ճառագայթային անվտանգության կարգավորիչ մարմինները։

«Արմենպրես»-ի փոխանցմամբ՝ համատեղ հայտարարությամբ հանդես են եկել Արևմտաեվրոպական միջուկային կարգավորիչների ասոցիացիան՝ WENRA-ն, Ճառագայթային պաշտպանության եվրոպական իրավասու մարմինների ղեկավարների միավորումը՝ HERCA-ն, և Հյուսիսային երկրների ճառագայթային անվտանգության մարմինների ղեկավարների միավորումը՝ NORA-ն։ Դրանք ներկայացնում են նաև ԱՄՆ-ը, Կանադան և Ճապոնիան։ 

Չեխիայի միջուկային անվտանգության պետական վարչության հրապարակած հայտարարության համաձայն՝ էլեկտրացանցերի և ենթակայանների ուղղությամբ հարվածները խաթարում են միջուկային օբյեկտների անվտանգ շահագործման համար անհրաժեշտ պայմանները։ Կարգավորիչները մտահոգություն են հայտնել, որ իրավիճակի հետագա վատթարացումը կարող է հանգեցնել Ուկրաինայի էլեկտրացանցի ամբողջական անջատման։

Ատոմակայանների կայուն էլեկտրամատակարարումը կարևոր է ռեակտորների հովացման և անվտանգության համակարգերի աշխատանքի համար։ Դրա երկարատև խափանումները կարող են մեծացնել վթարի վտանգը։ 

Հայտարարության հեղինակները զգուշացրել են, որ վատագույն դեպքում անվտանգության պայմանների վատթարացումը կարող է հանգեցնել ռադիոակտիվ նյութերի արտահոսքի՝ հետևանքներ առաջացնելով Ուկրաինայում և հնարավոր է՝ դրա սահմաններից դուրս։

Նրանք Ռուսաստանին կոչ են արել դադարեցնել Ուկրաինայի միջուկային օբյեկտների և դրանց անվտանգ աշխատանքի համար անհրաժեշտ էներգետիկ ենթակառուցվածքների դեմ հարվածները։ Միավորումները նաև հայտնել են արտակարգ իրավիճակներին պատրաստվածությունն ու միջսահմանային համակարգումն ամրապնդելու մտադրության մասին։ 

 

Հայերեն Русский

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն

Ռոբերտ Փաթինսոնը կմարմնավորի Ջեյմս Բոնդին