Վազգեն Թևանյանն ըմբշամարտի աշխարհի առաջնության քառորդ եզրափակչում է

Ազատ ոճի ըմբշամարտի հավաքականի անդամ Վազգեն Թևանյանը դուրս եկավ աշխարհի առաջնության քառորդ եզրափակիչ:

«Արմենպրես»-ի հաղորդմամբ` Աստանայում ընթացող աշխարհի առաջնության 65 կգ քաշային կարգի ⅛ եզրափակիչում ազատ ոճային ըմբիշ Վազգեն Թևանյանը մրցեց Ղազախստանը ներկայացնող Օսիմժան Դաստանբեկի հետ ու առավելության հասավ 2:1 հաշվով:

Ավելի վաղ Թևանյանը հաղթել էր Մոնղոլիայից Զենեեմեդեր Բյամբասուրենին` 9:3 հաշվով: